Алматыда жойқын дауыл салдарынан Шымбұлақта алып ағаш құлады

21 ақпан күні Шымбұлаққа барған қала тұрғындары мен қонақтары алапат дауылдың куәсі болды, деп хабарлайды Arbat.Media.

Қатты соққан желден арқанжолдар тербеліп, алып ағаш құлаған. Әлеуметтік желіде қолданушылардың видеосы тарады.

Үлкен ағаш серпантин жолына құлап, көліктердің жүруіне кедергі жасады. Алматы қалалық Төтенше жағдайлар департаменті жолдың тазартылғанын мәлімдеді.

«Жолдың жүру бөлігі Құтқару қызметі мен мемлекеттік ұлттық табиғи парк қызметкерлері тарапынан тазартылды. Қаза тапқандар мен зардап шеккендер туралы ақпарат түскен жоқ», – деп мәлімдеді ТЖД.