Алматылық дәрігерлер денесінің 90%-ы күйген ер адамды аман алып қалды

Бір ай бұрын 26 жастағы ер адамның қорасындағы газ баллон жарылған. Салдарынан оның денесінің 89%-ы күйіп, 15%-ы терең зақымданған. Әсіресе, сол қолы қатты жарақат алған, деп хабардайды Arbat.Media.

Науқас ауруханаға түскен бойда оған шокқа қарсы ем жүргізілді.

Кейін зақымданған қолына шұғыл қалпына келтіру операциясы жасалып, тері трансплантациясы және зақымданған аяқ-қолдарына оталар жүргізілді.

Төрт тәулік бойы жансақтау бөлімінде жатты. Жағдайы тұрақтанғаннан кейін күйік бөлімшесіне ауыстырылды.

Қазір науқас өздігінен жүріп-тұрып, күнделікті қажеттіліктерін орындай алатын жағдайға жеткен.

Алайда оны әлі де ұзақ оңалту кезеңі күтіп тұр.