Әмір Қасенов уақытша ұстау изоляторында аштық жариялады

Астанада бір күн бұрын «көрінеу жалған ақпарат тарату» бабы бойынша қылмыстық іс аясында ұсталған КазТАГ агенттігінің бас редакторы Әмір Қасенов уақытша ұстау изоляторында аштық жариялады, деп хабарлайды Arbat.Media.

Бұл туралы ҚазТАГ ақпарат агенттігі хабарлады.

«Уақытша ұстау изоляторының басшылығы бұл туралы оның адвокаттарына да, отбасына да хабарламаған», – дейді агенттік.

Бір күн бұрын Қасенов Есіл аудандық полиция бөліміне тергеу әрекеттеріне шақырылған, кейін сол жерде ұсталған.

Полиция оның уақытша ұстау изоляторына қамауға алынғанын «жиналған материалдардың жиынтығын, тергеу сатысын және заңда көзделген негіздерді ескере отырып» деп түсіндірді.