Ақмолалық тұрғын туыстарын тақырға отырғызып кетті

Туысының атына 11 микрокредит рәсімдеген алаяқ ұсталды, деп хабарлайды Arbat.media.

Алдын ала дерек бойынша, Ақмола облысының тұрғынының атынан жиені ЭЦҚ арқылы 629 мың теңге көлемінде несие рәсімдеген. Жәбірленушінің айтуынша, ол 2025 жылғы 6 наурызда туысынан ЭЦҚ алу процесіне көмектесуін өтінген.

Бірақ 8-26 наурыз аралығында тұрғынға белгісіз қаржы ұйымдарынан күмәнді хабарламалар келген. Алаяқтар екендігіне күмәнданған ол ешқандай әрекет жасамаған. 27 наурыз күні Халыққа қызмет көрсету орталығына жүгінгенде атынан 11 микрокредит ресімделгені анықталды.

Аталған факт бойынша сотқа дейінгі тергеу амалдары жүргізіліп жатыр.