Әскерден мүгедек болып қайтқан Ербаян Мұхтар туралы тың дерек шықты

Бүгін, 2 қыркүйек күні таңертең Алматыдағы 5571 әскери бөлімінде белгісіз себеппен мүгедек болған сарбаз Ербаян Мұхтар ата-анасымен бірге Стамбулға аттанды, деп хабарлайды Arbat.Media.

Бұл туралы заңгер Инга Иманбай желідегі парақшасында жазды. Заңгер бұл сапар Ербаян үшін шешуші кезең екенін атап өтті.

“Бірінші кезеңдегі операция мен ем халықтың қолдауымен жасалса, бұл жолы мемлекет тарапынан үлкен көмек көрсетілді: портал арқылы үш айға созылатын қымбат әрі маңызды реабилитациялық ем толық қаржыландырылды. Ал ұшуды Ішкі істер және Қорғаныс министрліктері бірлесіп ұйымдастырды”, - деп жазды заңгер.

Ербаянның ата-анасы Денсаулық сақтау министрі Ақмарал Әлназароваға, генерал Қайрат Үмбетовке алғыс білдірді.