Астанада 21 жыл бұрын жасалған адам өлтіру қылмысы ашылды

Астанада 2005 жылы жасалған адам өлтіру қылмысы араға 21 жыл салып ашылды, деп хабарлайды Arbat.Media.

Сол жылы қала аумағынан зорлық-зомбылық белгілері бар ер адамның мәйіті табылған. Алайда сол кездегі тергеу барысында қылмысты ашуға жеткілікті дәлелдер болмаған.

Биыл полиция істі қайта қарап, жедел-іздестіру шараларын жүргізген. Нәтижесінде қылмысқа қатысы бар деген күдікпен Павлодар облысының екі тұрғыны анықталған.

Тамыз айында күдіктілер ұсталып, өз кінәсін мойындаған. Қазір екеуі де қамауда отыр.

Тергеу амалдары жалғасып жатыр.