Астаналық ер адам пранк жасаймын деп 10 күнге қамалды

Астанада пранк жасап, қызды шошытқан 26 жастағы азамат 10 тәулікке қамауға алынды, деп хабарлайды Arbat.Media.

Бұл оқиға туралы Астана қаласының Полиция департаменті ақпарат таратты.

«Әлеуметтік желілерде қорқынышты костюм киген ер адам лифт істен шыққандай етіп көрсетіп, қызды әдейі шошытқан видеосы тараған. Видеоны полиция қызметкерлері желіні тексеру кезінде анықтады. Осы оқиға бойынша 26 жастағы қала тұрғыны ұсақ бұзақылық жасағаны үшін сот шешімімен 10 тәулікке қамауға алынды», - делінген жазбада.