Автобус апаты кезінде екі аяғынан айырылған 8 жастағы қыз протезбен жүре бастады

Автобус апаты кезінде екі аяғынан айырылған 8 жастағы қыз протезбен жүре бастады, деп хабарлайды Arbat.Media.

Кішкентай қызға арнайы протезді германиялық компания әзірледі. Қазір Алуа протезбен жүруді үйреніп жатыр. Күнделікті жаттығумен айналысады.

Еске салсақ, 2 маусым күні жолаушылар автобусы бағанаға соғылып, 15 адам зардап шекті. Солардың ішінде Астанаға әжесімен қыдырып келген 8 жастағы Алуа да болған. Кішкентай қыздың екі аяғы қысылып, дәрігерлер ампутация жасауға мәжбүр болды.

Екі аяғынан айырылған Алуаның жағдайы қоғамда резонанс туғызып, баланың ем-домына қаржылай қолдау көрсетілді. Қала әкімдігі 4 бөлмелі пәтердің сертификатын табыстады. Туыстарының айтуынша, Алуаның отбасы жаңа үйге жаңа жылға дейін көшеді.