“Ажал құшқандар — бейбіт тұрғындар”: Израиль мен Иран арасындағы текетірес ушыға түсті

Израиль мен Иран арасындағы текетірес ушыға түсті, деп хабарлайды Arbat.Media.

13 маусымға қараған түні Израиль Иранға қарсы шабуыл жасап, артынша Тегеран оған қарымта соққы берді. Осылайша, бар болғаны бір апта ішінде екі ел бір-бірін зымыранмен атқылап, қақтығыс бұрынғыдан бетер өрши түсті.

Иран билігінің ресми есебі бойынша, 224 адам мерт болып, 1277 адам жарақат алған.

Құрбандардың арасында жоғары шенді әскери қызметкерлер мен ядролық сала ғалымдары бар. Дегенмен қаза тапқандардың басым бөлігі – бейбіт тұрғындар.