Әзербайжан Ираннан барлық дипломаттарын кері қайтармақ
Әзербайжанның Сыртқы істер министрі Джейхун Байрамов мәлімдегендей, президент Ильхам Әлиевтің тапсырмасымен барлық дипломаттар Ираннан эвакуацияланады, деп хабарлайды Arbat.Media.
Оның айтуынша, Тебриздегі консулдық қызметкерлер мен елшілік қызметкерлерінің эвакуациясы жүзеге асырылып жатыр.
Молдованың Сыртқы істер министрімен бірлескен баспасөз мәслихатында Байрамов көрші елде әскери іс-қимылдардың жүруіне байланысты Әзербайжан армиясы қауіпсіздікті қамтамасыз ету үшін қосымша шаралар қабылдап жатқанын атап өтті.
Сонымен қатар Әзербайжан президенті Ираннан 5 наурызда Нахичеван өңіріне жасалған дрон шабуылынан кейін ресми кешірім мен түсініктеме талап етті. Сол кезде төрт дрон Нахичеван әуежайы мен Шакерабад ауылындағы мектепке соққы беріп, екі адамның зардап шегуіне себеп болған еді.