Байдың баласын қорғаштайтын полиция қызметкерлерін қызметінен босату жеткіліксіз — депутат

Депутат Бақытжан Базарбектің айтуынша, тек қалалық полиция департаменті басшысын қызметтен босату жеткіліксіз, деп хабарлайды Arbat.Media.

«Мен өзім Әл-Фараби даңғылы бойында тұрамын. Күн сайын сол жерде жүйткіп жүрген қымбат, жүйрік көліктерді көремін. Бірақ олардың жауапқа тартылып, жазаланғанын байқамаймыз. Сондықтан бүкіл ел бойынша ішкі істер органдарында ауқымды тазарту жүргізу қажет. Мұндай ерке балалар — жоғары лауазымды шенеуніктер мен ірі кәсіпкерлердің балалары. Оларды департаменттердегі кейбір қызметкерлер қорғаштайды», — деді ол.

Сондай-ақ депутат оларды жай ғана жұмыстан шығармау қажет екенін айтты.

Оның пікірінше, мұндай полиция қызметкерлерін қылмыстық жауапкершілікке тарту керек.