Бас прокуратура Қайрат Қожамжаров ісіне қатысты пікір білдірді

Бас прокуратура Қайрат Қожамжаров ісіне қатысты пікір білдірді, деп хабарлайды Arbat.Media.

Бас прокурордың орынбасары Ғалымжан Қойгелдиев Мәжіліс кулуарында Қайрат Қожамжаровтың ісі жөнінде айтып берді.

Ғалымжан Қойгелдиев Экономикалық және сыбайлас жемқорлық қылмыстарына қарсы күрес агенттігінің (қаржы полициясының) бұрынғы төрағасы Қайрат Қожамжаровқа қатысты қылмыстық іс қозғалып, қазіргі уақытта сотқа дейінгі тергеу жұмыстары жүріп жатқанын хабарлады.

"Қылмыстық іс қозғалды, сотқа дейінгі тергеп-тексеру басталды, қазіргі уақытта дәлелдемелік база жинақталып жатыр. Қалғанының бәрі процессте жария етіледі", — деді бас прокурордың орынбасары.