Батыс Қазақстан облысында 12 млн теңге жымқырған

Батыс Қазақстан облысы Шағатай ауыл округі әкімі аппаратының бас маманы 2020-2023 жылдар аралығында 12 миллион теңгеден астам бюджет қаражатын жымқырған, - деп хабарлайды Arbat.media. 

Маман ұрланған қаражатты өзінің карточкалық шотына аударып тұрған.

Сотқа дейінгі тергеу Қылмыстық кодекстің 189-бабы «Сеніп тапсырылған бөтеннің мүлкін иемдену немесе жымқыру» бойынша жүргізілді.

Әкімдік қызметкеріне үш жылға бас бостандығынан айыру жазасын қатаң тәртіптегі түзеу мекемесінде өтеу туралы үкім шығарды.

Үкім заңды күшіне енген жоқ.