Бір күнде екі мектепке жарылғыш зат қойылды деген жалған хабар тарады

Полиция қызметкерлеріне бір күнде екі мектепке жарылғыш зат қойылды деген жалған хабар келіп түскен, деп хабарлайды Arbat.Media.

Петропавлда 112 нөміріне мектепке бомба қойылғаны туралы қоңырау түскен. Тексеру барысында 9-сынып оқушысы ұсталды. Күдікті психиатриялық есепте тұрады.

Алматы облысында да дәл осындай хабар тараған. Көп ұзамай жалған хабар таратқан адамның жеке басы анықталды. Ол 16 жастағы жасөспірім болып шықты.

Екі жағдайда да жарылғыш зат табылған жоқ, қылмыстық іс қозғалды.

IІМ ескертеді:

Терроризм актісі туралы жалған хабар үшін айыппұлдан бастап бас бостандығынан айыруға дейін жаза қарастырылған.