Блогер Әділетхан Молдахан абақтыда әлі екі ай отыратын болды

Алматыда резонанс тудырған жол-көлік апаты туралы әлеуметтік желіде пікір жариялаған соң 10 күнге абақтыға жабылған блогер әрі заңгер Әділетхан Молдаханның қамау мерзімі тағы 2 айға ұзартылды, деп хабарлайды Arbat.Media.

Бұл туралы оның туысы әлеуметтік желіде хабарлады. Молдахан үш адамның өмірін қиған жол апатына себепкер тұлғалар арасында полиция қызметкерлері де болуы ықтимал екенін айтып, пост жариялағаннан кейін "жалған ақпарат таратты" деген күдікпен 10 күнге қамалған еді.

21 наурызда Алматыдағы әл Фараби даңғылы бойында болған жол-көлік апаты қоғамда үлкен резонанс тудырып, қалалық полиция департаментінің бірқатар лауазымды қызметкері қызметтен босатылған.