БҚО-да өрттен мерт болған 5 бала жер қойнына табысталды

Сырым ауданының Жымпиты ауылында өрттен қайтыс болған бес баланың денесі жер қойнына тапсырылды, деп хабарлайды Arbat.Media.

Еске сала кетейік, 4 маусымда Жымпиты ауылында үй өртеніп, бір үйдің бес бірдей баласы қаза тапты. Балалардың үлкені 5 жаста, кішісі 8 айлық болған.

БҚО-да бес бірдей баланы жерлеу рәсімі өтті. Балаларды соңғы сапарға шығару үшін туыстары мен ауыл тұрғындары жиналды.

Сырым ауданының әкімі Жұмагелді Батырниязовтың айтуынша, отбасы өткен жылдың қараша айында баспана алу үшін кезекке тұрған. Қазір отбасын демеушілердің көмегі есебінен тұрғын үймен қамтамасыз ету мәселесі шешілуде.