Дәулет Тұрлыхановтың ұлы: Қылмыстық істе апелляциялық тексеру басталды

Әскери сотта Дәулет Тұрлыхановтың ұлы Нұрасыл Болатқа қатысты қылмыстық істі апелляциялық тексеру басталды, - деп хабарлайды Arbat.media.

«ҚР Әскери сотында бұзақылық ниетпен екі адамның денсаулығына қасақана орташа ауырлықтағы зиян келтірген әскери қызметші Б-ға қатысты қылмыстық істі апелляциялық тексеру басталды. Зардап шегушілердің пайдасына 1 млн теңге мөлшерінде моральдық өтемақы өндіріп алынды. Іс сотқа зардап шегушілердің (бас бостандығынан айыруды сұрайды) және прокурордың (ақшалай айыппұлды бас бостандығына айыр жазасына ауыстыруды сұрайды), сотталушының адвокатының (ақтауды сұрайды) апелляциялық шағымдарына байланысты түсті», - дейді Әскери сот.