Демалыс күндері ауа райы қандай болады?

Алдағы 3 тәулікте Қазақстан аумағының басым бөлігінде ауа райы құбылмалы болады. Қар жауып, боран соғады, деп хабарлайды Arbat.Media.

Ал оңтүстік және оңтүстік-шығыс өңірлерде жауын-шашын жаңбыр мен қар түрінде түседі, кей жерлерде қатты жауын-шашын байқалады.

Тек елдің орталық және шығыс бөліктерінде ауа райы жауын-шашынсыз болады. Республика бойынша тұман түсіп, жел күшейеді. Ал батыс, оңтүстік және оңтүстік-шығыс өңірлерде көктайғақ болжанады.

Солтүстік өңірлерде ауа температурасы түнде 12–23 градусқа дейін төмендеп, күндіз 8–18 градус шамасында болады. Орталық облыстарда ауа температурасы түнде 5–17 градус, күндіз 0–10 градус аяз болады.

Республиканың оңтүстігінде ауа температурасы біртіндеп жоғарылайды: түнде 6 градус жылы және 7 градус аяз аралығында, күндіз 3–13 градус жылы болады.

Елдің қалған аумағында ауа температурасының айтарлықтай өзгерістер күтілмейді.