Екібастұздық бойжеткен экс-жігітінің тепкісінің астында қалды

Әлеуметтік желіде бойжеткен экс-жігітінің тепкісінің астында қалғанын айтып, халықтан көмек сұрады, деп хабарлайды Arbat.Media.

Оқиға 18 шілде күні Екібастұзда болған. Қызды экс-жігіті бір сағаттан астам уақыт ұрып-соққан.

Ер адам қыздың басын қабырға мен еденге ұрып, тепкінің астына алып, қылқындырған. Сондай-ақ мәжбүрлеп белгісіз ақ ұнтақ пен дәрі ішкізген.

Бойжеткен полиция жағдайдан соң дереу әрекет етпегенін айтады. Қылмыс іздерін қарау және тіркеу жүргізілмеген. Қыз көпшіліктен көмек сұрап, әділ тергеуді талап етіп отыр.