Елімізде +44 градуске дейін аптап ыстық болады

«Қазгидромет» мәліметінше, атмосфералық фронтальды бөліктердің ықпалынан еліміздің жекелеген аудандарында жаңбыр жауып, найзағай ойнайды, деп хабарлайды Arbat.Media.

Сондай-ақ бұршақ жауып, екпінді жел соғуы мүмкін.

11 тамызда солтүстікте және оңтүстік-шығыстың таулы аудандарында қатты жаңбыр жаууы болжанады. Қазақстанның орталығы мен оңтүстігінде ғана ауа райы жауын-шашынсыз болады.

Республиканың солтүстік-батысында, солтүстігінде және шығысында түнде және таңертең тұман түсуі мүмкін.

Күндіз ауа температурасы батыста және орталықта +27...+39°С, Қазақстанның солтүстік-батысы мен солтүстігінде +25...+35°С, шығысы мен оңтүстік-шығысында +30...+42°С, оңтүстігінде +37...+44°С аптап ыстық болады.