Елімізде адамдарды рұқсатсыз пранкке түсіруге тыйым салынуы мүмкін

Елімізде адамдарды рұқсатсыз пранкке түсіруге тыйым салынуы мүмкін. Мұны Мәдениет министрі Аида Балаева мәлімдеді, деп хабарлайды Arbat.Media.

Оның айтуынша, мәселе пранктер мен жасырын түсірілімдерге қатысты. Оның үстіне азаматтар осыған жиі шағымданып жүр екен. Қазір арнайы жұмыс тобы құрылып, кімді, қашан және қандай жағдайда түсіруге болатыны анықталмақ.

Журналистер бұл норма шенеуніктерді қорғау үшін қабылдамақ деп сынады. Алайда Балаева шенеуніктердің жеке өмірі қалмағанын айтып, мәселе шенеуніктерде емес, жалпы тәртіпте дейді.