Елімізде жұмысшы мамандар тапшы

ҚР Еңбек және халықты әлеуметтік қорғау вице-министрі Олжас Ордабаев елімізде қандай мамандар ең көп сұранысқа ие екенін айтып берді, - деп хабарлайды Arbat.media.

«Бірінші кезекте жұмысшы кадрлар жетіспеушілігі бар, бұл үрдіс әлі де сақталуда. Бұған кәсіптік білім беру мен колледж түлектерін жатқызуға болады. Сондықтан біздің басты назарымыз – жұмысшы санаттарының қалай дайындалатынына байланысты болады», - деді Олжас Ордабаев.

Вице-министр бүгінгі форумда келешектегі экономика үшін кадрлар қалай дайындалатыны, халық үшін сапалы жұмыс орындары қалай құрылатыны, еңбек нарығының инфрақұрылымы қалай жұмыс істейтіні талқыланатынын атап өтті.

«Бұл ретте мансап орталықтарын, электронды еңбек биржасын айтуға болады. Яғни, еңбек нарығына шығатын жастардың жұмыс беруші мен жұмысшылар арасындағы байланысты қамтамасыз ету жолдары туралы сұранысқа ие дағдылар алу үшін осы тетіктердің қалай үйлесімді жұмыс істеуі керектігі қаралады».