Эпштейн ісі: қазақстандық шенеуніктердің қатысы әлі тексеріліп жатыр

Бас прокурордың орынбасары Ерлан Өтегенов мәлім еткендей, қазіргі таңда шамамен 3 миллионға жуық хабарлама зерттеліп жатыр, деп хабарлайды Arbat.Media.

Оның айтуынша, қазақстандық шенеуніктердің бұл іске қатысы бар-жоғы бойынша тексеріс әлі де жалғасып жатыр. Қорытынды нәтижелер барлық материал толық сараланғаннан кейін жарияланады.

«Ақпарат көлемінің көптігіне байланысты тексеру уақыт алады. Барлық дерек жан-жақты қаралып, мұқият қайта тексеріледі», - деді ол.

Еске салсақ, бұған дейін депутат Асхат Рахымжанов Бас прокуратурадан қазақстандық саясаткерлердің аталған іске қатысын тексеруді талап еткен. Ол мысал ретінде Кәрім Мәсімов пен Қайрат Келімбетов есімдерін атаған.