Ер адамның 10 жыл ақша жинап алған көлігі алғашқы сағатта жанып кетті

Жапонияда бір ер адам армандаған Ferrari көлігін сатып алған соң небәрі бір сағат ішінде оны өрт шалып, күлге айналды, деп хабарлайды Arbat.media POLITICO.KZ сайтына сілтеме жасап.

33 жастағы Хонкон есімді азамат Ferrari 458 Spider моделін сатып алып, бірден Токио қаласындағы Сюто жылдамдық автомагистралінде алғашқы сынақ сапарына шыққан. Алайда көп ұзамай ол жолда ақ түтінді байқап, алдымен бұл көрші көліктен шыққан болар деп ойлаған. Бірақ әлгі көлік алыстаған соң, түтін өзінің жаңа көлігінен шығып жатқанын аңғарған.

Жол жиегіне тоқтап, дереу көліктен түскен Хонкон өрт сөндірушілерді шақырған. Келесі 20 минут ішінде ол өзінің 10 жыл бойы армандаған көлігінің қалай жанып кеткенін көз алдында тамашалауға мәжбүр болған.

«Мен, бәлкім, Жапониядағы мұндай жағдайға тап болған жалғыз адам шығармын. Мен 43 миллион иен (шамамен 306 000 АҚШ доллары) жұмсадым, ал қолымда қалғаны – тек бір фото», — деп жазды ол әлеуметтік желідегі парақшасында.

Жергілікті полиция өкілдерінің айтуынша, көлікте ешқандай соқтығысу ізі болмаған. Алдын ала болжам бойынша, өрт қозғалтқыш бөлігінен шыққан. Қазіргі уақытта тергеу жалғасып жатыр.