Ерболат Досаев «Бәйтерек» холдингінің директорлар кеңесіне кірді

Ерболат Досаев «Бәйтерек» холдингінің директорлар кеңесіне кірді, деп хабарлайды Arbat.Media.

«Бәйтерек» холдингі директорлар кеңесінің жаңа құрамын бекітті. Оның құрамына 2016–2017 жылдары холдингті басқарған Ерболат Досаев кірді.

Директорлар кеңесінің төрағасы болып премьер-министр Олжас Бектенов тағайындалды.

Ал басқарма төрағасы қызметінде Рустам Қарағойшин қалды.

Директорлар кеңесінің құрамына сондай-ақ: бірінші вице-премьер Роман Скляр, экономика министрі Серік Жұманғарин, қаржы министрі Мәди Такиев, өнеркәсіп және құрылыс министрі Ерсайын Нағаспаев кірді.