Ережесіз жекпе-жекте 18 жастағы жігіт ауыр жарақат алған

Ережесіз жекпе-жекте ауыр жарақат алған 18 жастағы жігіттің әпкесі әділдікті талап етеді, деп хабарлайды Arbat.Media.

Қарағандыда 2026 жылғы 14-15 ақпан күндері жекпе-жек турнирі өткен.

14 ақпанда Арслан екі жекпе-жек өткізіп, жеңіске жеткен. Ешқандай ауыр жарақаты алмаған. Келесі күні жекпе-жек барысында қарсыласы тыйым салынған әдісті қолданып, спортшыны басымен төмен қарай лақтырып жіберген.

Арслан бұл спорт түрімен 2022 жылдан бері кәсіби түрде айналысады және бұған дейін едәуір нәтижелерге қол жеткізген. Жігіттің туыстары турнир кезінде спортшылардың қауіпсіздігіне қатысты ережелер тиісті деңгейде сақталмаған деп санайды.