Өскемендегі жарылыстан 2 адам қаза тапты

Өскемендегі жарылыстан 2 адам қаза тапты, деп хабарлайды Arbat.Media.

"Қазцинк" мәліметінше, түтінсорғышты тазалау кезінде жарылыс болып, артынша өрт шыққан. Сосын ғимараттың бір бөлігі опырылып түскен.

Салдарынан екі адам қаза тауып, тағы бесеуі жарақат алған. Оларға медициналық көмек көрсетіліп жатыр.

Компания марқұмдардың отбасына және зардап шеккендерге көмек көрсетілетінін айтты. Оқиғаның себебін анықтау үшін арнайы комиссия құрылған. Сонымен қатар қоршаған ортаға әсері тексеріліп жатыр.

Мәліметке сәйкес, шаң бүкіл аумаққа тараған. Бірақ рұқсат етілген нормадан аспаған және қауіпті заттар анықталмаған.