Павлодар облысында суға батып кеткен жасөспірімнің денесі табылды

Павлодар облысында суға батып кеткен жасөспірімнің денесі табылды, деп хабарлайды Arbat.Media.

Павлодар облысының төтенше жағдайлар департаментінің қызметкерлері Екібастұз маңындағы Солнечный кентіне жақын орналасқан Шаңдықсор көлінде жүргізілген іздестіру жұмыстарын аяқтады.

«ТЖД құтқарушылары 2009 жылы туған жасөспірімнің денесін судан алып шықты. Ол 4 шілде күні Шаңдықсор көлінде тыйым салынған жерде шомылып жүріп суға батып кеткен», – деп хабарлады Павлодар облысы ТЖД баспасөз қызметі.

Еске салайық, жасөспірім 4 шілде күні жоғалып кеткен. Баланың тыйым салынған жерде шомылғаны айтылды. Іздеу жұмыстары қатты жел мен үлкен толқындарға байланысты қиынға соққан.