Павлодарда 84 млн теңге қарыз үшін кәсіпкерді өлтіріп кеткен

Мемлекеттік айыптау тарапы кәсіпкер Асұлан Нұрмағамбетовті өлтіруге 84 млн теңге қарыз себеп болды деп есептейді, деп хабарлайды Arbat.Media.

Қазір Павлодарда бұл қылмыс бойынша сот процесі өтіп жатыр.

Тергеу нұсқасына сәйкес, Асұлан Нұрмағамбетов бизнес-серіктесіне 84 млн теңге қарыз болған.

2025 жылдың ақпан айында жәбірленуші мен айыпталушы кездесіп, марқұм сол күні кешке дейін ақшаны қайтаратынын уәде еткен.

Алайда күдікті ақшаны ала алмайтынын ойлап, кісі өлтіруді алдын ала жоспарлаған. Ол аңшылық пышақ дайындап, бейнебақылау камерасына қолғап кигізіп, күтіп отырған.

Нұрмағамбетов келген кезде және қарызды қайтаруды тағы да кейінге қалдыруды сұрағанда, олардың арасында қанды қақтығыс басталған.

Прокурордың айтуынша, күдікті бірден өлтірмей, алдымен жәбірленушіге моральдық азап шектіруді көздеген. Сол үшін бірнеше жыл бойы уәде беріп келгеніне ашуланып, алдымен ауыз тұсына пышақ жарақаттарын салған.

Ауыр азап шеккен Нұрмағамбетов қорғану үшін қолымен бетін жауып, пышақтың жүзінен ұстап қалған.

Оқиға гараж ішінде болған. Нұрмағамбетов сыртқа қашып шыға алғанымен, күдікті оны көшеде қуып жетіп, қылмысын соңына дейін жеткізген. Кейін мәйітті қайтадан гаражға кіргізіп, өзі қашып кеткен.

Прокурор бұл қылмыс ерекше қатыгездікпен жасалғанын айтады.

Соттағы алғашқы отырыста айыпталушы кінәсін жартылай мойындаған. Ал оның адвокаттары тергеу нұсқасымен келіспейді. Олардың айтуынша, Нұрмағамбетов өзі қорқытып, қару қолдануға әрекеттенген, ал айыпталушы өзін қорғаған, бірақ қажетті қорғаныс шегінен асып кеткен.