Павлодарда азық-түлік дүкені өртенді

Өткен түнде Павлодар қаласындағы «Best et» дүкенінде өрт шығып, тілсіз жау ғимараттың 200 шаршы метр аумағын шарпып өткен, - деп хабарлайды Arbat.media.

Бұл туралы Kazinform жариялады.

Өңірлік төтенше жағдайлар департаментінен хабарланғандай, дүкеннің екінші қабатында жиһаздар, ағаш конструкциялар, бірінші және екінші қабаттар арасындағы төбелер, шатыр жанған.

«Оқиға орнында 48 адам мен 11 техника жұмыс істеді. Өрт туралы хабар сағат 04.00-де түссе, өрт сөндірушілер қызыл жалынды сағат 06:31-де ауыздықтаған. Құрбандар мен зардап шеккендер жоқ. Өрттің шығу себебі анықталуда», - деп хабарлады облыстық ТЖД.

«Best et» – Екінші Павлодар аумағында, Малайсары батыр және Елгин көшелері қиылысында орналасқан азық-түлік дүкені.