Петропавлда автожол өтпежолын салуға бөлінген бюджет қаржысы жымқырылған

Петропавл қаласында автожол өтпежолын салуға бөлінген бюджет қаражаты жымқырылған, деп хабарлайды Arbat.Media.

ҚМА мәліметінше, 2023 жылдың тамыз айында Петропавл қаласы әкімдігінің «Тұрғын үй-коммуналдық шаруашылығы, жолаушылар көлігі және автомобиль жолдары бөлімі» КММ мен «БУКА» ЖШС арасында жалпы құны 5,4 млрд теңгеге автожол өтпежолын салу туралы келісімшарт жасалған. Мердігер ұйым жұмысыү жүйелі түрде кешіктірген.

Тергеу амалдарына сай, мердігер ұйымның директорымен сөзбайласа отырып, нақты орындалған жұмыс көлемі туралы жалған мәліметтер көрсеткен.

Осы құжаттардың негізінде мердігер ұйымның шотына бюджет қаражаты негізсіз аударылған.

Заңсыз әрекеттердің салдарынан мемлекетке 2 млрд теңгеден астам залал келтірілген.