Пхукетте қазақстандық жантүршігерлік жағдайда қайтыс болды

1 сәуірде Пхукетте Қазақстан азаматы жантүршігерлік жол апатынан қаза тапты, деп хабарлайды Arbat.media.

Бұл туралы таиландтық БАҚ жазып бастады. Оның мәліметінше, 1 сәуірде түнгі сағат 00:45 шамасында ер адам мотоциклмен Bypass Rd тасжолында асқан жылдамдықпен келе жатып, тізгінге ие бола алмай, бағанаға соғылған. Ауыр жарақат алған адам оқиға орнында көз жұмды.

Алғашында оның жеке басын анықтау барысында "ресейлік турист" деп болжанған. Себебі оның ұялы телефонының экранында орыс тіліндегі жазулар болған.

Алайда кейіннен оның Қазақстан азаматы екені және Таиландта тұрып, жұмыс істегені анықталды.