Қарағанды облысында жол апатынан футболшы қайтыс болды

Қарағанды облысында жол апатынан футболшы қайтыс болды. Марқұм Көкшетаудың "Елім-Ай" футбол клубының 29 жастағы ойыншысы, деп хабарлайды Arbat.Media.

Қайғылы оқиға 6 маусымда Қарағанды облысының Дубовка кенті маңындағы жолда болған.

«Chevrolet cobalt көлігінің 21 жастағы жүргізушісі көлік рөліне ие бола алмай, қарсы бағытқа шығып кеткен. Салдарынан Opel Vectra көлігімен соқтығысқан. Апат салдарынан Chevrolet cobalt жүргізушісі мен оның екі жолаушысы түрлі жарақат алып, медициналық мекемеге жеткізілді», - дейді облыстық полиция департменті.

Өкінішке қарай футболшы ауруханада көз жұмды.