Қарқаралы тауларына бір отбасы есімдерін жазып кетті

Қарқаралы тауларында қарағандылық отбасы өз есімдерін жартастарға жазып кеткен, деп хабарлайды Arbat.Media.

Полицейлерге бұзақыларды анықтау қиын болған жоқ - олардың Қарағанды қаласының тұрғындары Жанқуатовтар отбасы екені белгілі болды.

48 жастағы отағасына «ұсақ бұзақылық» және «ерекше қорғалатын табиғи аумақтарда тәртіпті бұзу» баптары бойынша хаттама толтырылды. Отбасының «бас вандалына» 15 тәулікке қамау немесе 170 мың теңге айыппұл салынуы мүмкін.