«Қазақмыс» аумағынан бір тоннадан астам жанармай ұрланған

ІІМ мәліметінше, Ұлытау облысында өткен жылдан бері бағалы металдарға бай кен қорытпаларын ұрлау және жанармай жымқыру схемалары анықталған, деп хабарлайды Arbat.Media.

Қабылданған шаралардың нәтижесінде келтірілген шығынның басым бөлігі өтелген.

7 мамыр күні полицейлер Мемлекеттік күзет қызметімен бірлесіп, компания аумағынан жанармай ұрлау әрекетінің жолын кесті. Күдіктілерден бір тоннадан астам жанармай, ірі көлемдегі ақша, көліктер мен қару тәркіленді.

Тергеу барысында жалған құжаттар мен арнайы техника арқылы заңсыз схема ұйымдастырылғаны анықталған. Сонымен қатар кейбір күзет қызметкерлерінің қатысы бар екені белгілі болды.

Қазір тергеу амалдары жалғасып жатыр.