Қазақстанда 2 млн теңгеге дейін жалақы ұсынылатын бос жұмыс орындары жарияланды

Қазақстанның Электронды еңбек биржасында қазір 53 мыңнан астам бос жұмыс орны қолжетімді, деп хабарлайды Arbat.Media.

Жұмыс берушілер негізінен білім беру, денсаулық сақтау, құрылыс, өндіріс, көлік және логистика салаларына мамандар іздеп жатыр.

Қазіргі уақытта 11 мыңнан астам вакансия бойынша айлық жалақы 300 мың теңгеден жоғары. Ең жоғары жалақы білікті мамандарға ұсынылады. Атап айтқанда:

IT саласында – 2 млн теңгеге дейін;

Өндіріс саласында – 1,7 млн теңгеге дейін;

Құрылыс саласында – 1,2 млн теңгеге дейін;

Ауыл шаруашылығы мен денсаулық сақтау саласында – 1 млн теңгеге дейін;

Білім беру саласында – 750 мың теңгеге дейін жалақы ұсынылады.