Қазақстанда алғаш рет хоккейден Азия чемпионаты өтеді

Елімізде тұңғыш рет Халықаралық хоккей федерациясы (IIHF) шеңберінде Азия чемпионаты өтеді. Чемпионат Алматы қаласындағы Halyk Arena стадионында өтеді. Еске салайық, Halyk Arena-да халықаралық хоккей біріншіліктері соңғы рет 2017 жылғы Универсиада ойындары шеңберінде өтіп, Қазақстанның хоккей ұжымы күміс жүлде еншілеген еді, - деп хабарлайды Arbat.media.

Азия чемпионаты 2024 жылғы қараша айының 6-9 күндері өтеді деп жоспарланып отыр. Қазақстан құрамасының қарсыластары – Жапония, Корея, Қытай командалары.

Qazsporttv мәліметінше, аталған байрақты бәсеке 2025 жылғы 7-14 ақпан аралығында Қытайдың Харбин қаласында өтетін Азия ойындарына дайындық болып саналады.