Қазақстанда күн күрт суытады

Қазақстанның бірнеше өңірінде 10–11 наурыз күндері ауа температурасы күрт төмендейді, деп хабарлайды Arbat.Media.

Синоптиктердің болжамынша, түнде кей жерлерде минус 30 градусқа дейін суытуы мүмкін.

Ақмола және Атырау облысында сейсенбіге қараған түні 15–20 градус аяз, Ақтөбе облысында 23–28 градусқа, Қызылорда және Павлодар облысында 7–12 градусқа төмендейді.

Солтүстік Қазақстан облысында сейсенбі түні 25–30 градус аяз, Шығыс Қазақстан облысында 15–20 градус, Жамбыл облысында 7–12 градус, Абай облысында 20–25 градус аяз тіркеледі.

Жетісу облысында сәрсенбі түні ауа температурасы 5–10 градус аязға, ал өңірдің солтүстігі мен таулы аудандарында 15–20 градус аязға дейін төмендейді.