Қазақстанда тұрмыстық зорлық-зомбылық неге азаймай тұр?

ІІМ Әкімшілік Полиция департаменті Отбасылық тұрмыстық зорлық-зомбылыққа қарсы күрес басқармасының бастығы Ақмарал Серікбаеваның айтуынша, биыл 10 айдың ішінде 3 мыңнан астам қылмыстық-құқық бұзушылық тіркелген, деп хабарлайды Arbat.Media.

Бұл өткен жылдың 10 айымен салыстырғанда 22%-ға көп. Шағым түсірушілердің көпшілігі Жамбыл, Павлодар, Солтүстік Қазақстан, Қостанай және Ақмола облыстарының тұрғындары.

Ал Астанадағы «Үміт» дағдарыс үйіне биыл күйеуінен қорлық көрген 60 әйел бала-шағасымен бас сауғалап келген.

ІІМ-не биыл осындай шарасыз күйде жүргендерден 52 мың шағым түскен. Арызданушылардың 80%-ы әйелдер. Мамандардың сөзінше, статистика былтырғыға қарағанда 17%-ға азайған. Алайда қылмыстық істердің саны артқан.