Қостанай облысының әкімі ұсталған орынбасары туралы пікір білдірді

Қостанай облысының әкімі Құмар Ақсақалов ТоболИнфо басылымына өзінің орынбасарының ұсталуына қатысты пікір білдірді, деп хабарлайды Arbat.Media.

Оның айтуынша, Гүлбарам Мусагазина 11 ақпанда берген өтініші бойынша қызметінен босатылған.

«Өздеріңізге белгілі, Гульбарам Мусагазинаға қатысты сотқа дейінгі тергеу басталғаны туралы ақпарат тарады. Қазіргі уақытта тергеу шаралары жүргізілуде. Заңнамаға сәйкес, мемлекеттік органдар тергеу барысына араласпайды және қандай да бір баға бере алмайды. Барлық мән-жайлар объективті әрі жан-жақты қаралады деп сенемін, — деді Құмар Ақсақалов.

Еске салайық, бұған дейін ҰҚК баспасөз қызметі Қостанай облысы әкімінің орынбасарына қатысты сотқа дейінгі тергеу басталғанын растаған еді.