Қостанайда мас жүргізуші жол апатына ұшырап, оқиға орнынан қашпақ болды

Қостанай қаласында TANK 300 автокөлігін мас күйде басқарған 57 жастағы азамат жол апатына себеп болды, деп хабарлайды Arbat.Media.

Оқиға 26 шілдеге қараған түні болған. Жүргізуші бағдаршамның тыйым салынған белгісіне тоқтамай, алдымен қоршауға, кейін ВАЗ-2115 автокөлігіне соқтығысқан. Жол-көлік оқиғасынан материалдық шығын келтіріліп, жүргізуші оқиға орнынан қашып кетуге тырысқан.

Тексеру барысында оның орташа дәрежеде мас болғаны анықталды. Куәгерлер көліктің жолда теңселіп жүргенін GTA ойынындағы жағдайлармен салыстырған.

Жүргізушіге қатысты ӘҚБтК-нің бірнеше бабы бойынша әкімшілік хаттама толтырылып, көлік айып тұрағына қойылды. Жүргізуші айықтырғышқа жеткізіліп, іс сотқа жолданды.