Қостанайда соққыға жығылған дәрігердің жағдайы ауыр

Қостанайда соққыға жығылған дәрігер санавиациямен Астанаға жеткізілді, деп хабарлайды Arbat.Media.

Қостанайда науқас соққыға жыққан хирург Антон Кистановтың жағдайы ауыр. Жергілікті дәрігерлер елордалық мамандармен кеңесе отырып, оны санитарлық авиациямен Астанадағы шұғыл медициналық көмек орталығына жөнелтті.

«Науқастың шүйде сүйегі сынған, басына қан құйылған. Алғашқы көмек көрсеткен соң, телемедицина арқылы мамандардан кеңес алдық. Бүгін әріптесіміз Астанаға жеткізілді»,-дейді Нейрохирургия бөлімінің меңгерушісі Евгений Ковалев.