ҚТЖ басшысы қызметінен босатылды

Талғат Алдыбергенов «Қазақстан темір жолы» ұлттық компаниясының басқарма төрағасы қызметінен босатылды, деп хабарлайды Arbat.Media.

Мұндай шешімді компанияның жалғыз акционері – «Самұрық-Қазына» ұлттық әл-ауқат қоры қабылдады.

Қазіргі таңда қордың жалғыз акционері – Қазақстан Үкіметі.

Талғат Алдыбергенов «Қазақстан темір жолы» ҰК» АҚ басқарма төрағасы қызметіне 2025 жылдың шілде айында тағайындалған еді.

Талғат Сағиұлы Алдыбергенов – Қазақстанның теміржол саласында ұзақ жыл еңбек еткен басқарушы әрі көлік-логистика саласының маманы. Ол әр жылдары теміржол және көлік кәсіпорындарында түрлі басшылық қызметтерді атқарып, 2025 жылдың шілдесінде «Қазақстан темір жолы» ұлттық компаниясы» АҚ басқарма төрағасы болып тағайындалды.