Құлсарыда 2,5 мың ғимарат су астында қалды, мың бала эвакуацияланған

Төтенше жағдайлар министрлігі Атырау облысы Құлсары қаласындағы соңғы ахуалды жариялады. 5 сәуір түнгі 22.45-тегі жағдай бойынша Құлсарыда 2500-ге жуық жеке тұрғын үй мен әкімшілік ғимаратты су басқан, - деп хабарлайды Arbat.media.

Құтқарушылар және өзге де тартылған күш-құралдар халықты эвакуациялауды жалғастырып жатыр.

Осы сағатта 4 мыңнан астам адам, оның ішінде 1 мыңнан астам бала қауіпсіз жерге көшірілген.