Ресейдегі жаппай төбелестен кейін қазақстандықтар ұсталды

Ресей аумағында, Усть-Луга порты маңында болған жаппай төбелестен кейін бірнеше қазақстандықтың ұсталғаны туралы ақпарат тарады, деп хабарлайды Arbat.Media.

Кадрларда бір топ жас жігіттің шулап, өзара төбелесіп жатқанын көруге болады. Біраз уақыттан кейін оқиға орнына бір көлік жоғары жылдамдықпен келіп, адамдарды қағып, тарата бастайды. Видеода оқ атылғанға ұқсас дыбыстар да естіледі. Кейбір жігіттерді күшпен көліктерге отырғызып, алып кеткені байқалады.

Видео авторының сөзінше, бұл аймақта интернет байланысы жоқ, сондықтан ұсталған қазақстандықтар елшілікпен хабарласа алмай отыр.