Риддерде Мәңгілік алауға ет қуырған ер адам қолға түсті

Риддерде Мәңгілік алауға ет қуырған ер адам қолға түсті, деп хабарлайды Arbat.Media.

Бұған дейін желіде оқиға орнынан фото тараған еді. Куәгер Мәңгілік алау шетінен тауық қалдығын тауып алып, Ұлы Отан соғысында қаза тапқан батырларға арналған ескерткіштің күйіне алаңдайтынын жеткізген.

Кейін полиция күдіктіге іздеу салып, ақыры оны тапты. Вандализм бойыша 31 жастағы жергілікті тұрғын күдікке ілініпті. Полицейлер оның жеке басын анықтау үшін аудандарды тексерген. Бейнебақылау камераларының жазбасын қарап, куәгерлерден жауап алған. Ақырында күдіктіні қолға түсірген. Ол 5 тәулікке қамалды.