Рудныйда Бейімбет Майлиннің құрметіне мурал пайда болды

Белгілі жазушының портреті Рудныйдағы тұрғын үйлердің біріне сән беріп тұр. Қабырға суреті 15 қарашада мерейтойы аталып өтетін қазақ совет әдебиетінің негізін қалаушы Бейімбет Майлиннің 130 жылдығына арналған. Бастамашы өткен жылы тұрғын үйді қайта қалпына келтірген мердігер құрылыс компаниясы болды. Мурал алматылық өнерпаздар Қабөке Оралбек пен Аят Өркеннің қолынан шықты, - деп хабарлайды Arbat.media.

Жұмыс тура бір аптада аяқталды. Компанияның PR бөлімі басшылығының ұлы жазушының есімін мәңгілікке қалдыруды ұйғарып, ақын-драматург Бейімбет Майлиннің 130 жылдығын назардан тыс қалдыра алмағанын айтты, - деп жазады Kazinform агенттігі.

Қабырғада драматургтің портреті, қанатты сөзі мен ұлттық ою-өрнек бейнеленген. Портреттің ашылуында Б.Майлиннің ұрпақтары, атап айтқанда астанада тұратын шөбересі Ботагөз Әбіқанова келіп, бабасының құрметіне ұйымдастырылған шараға ризашылықтарын білдірді.

Портретті Рудный қаласы, Ленин 215 мекенжайынан көруге болады.