Рудныйда дәрігерлер көлік қағып кеткен жүкті әйел мен оның сәбиінің өмірін сақтап қалды

9 қазанда жүктіліктің 38-аптасында болған 30 жастағы әйелді жаяу жүргіншілер өткелінен өтіп бара жатқан кезде көлік қағып кеткен, деп хабарлайды Arbat.Media.

Дәрігерлер әйелдің жарақаттарының өте ауыр екенін анықтап, ота жасау туралы шешім қабылдаған.

15 қазанға дейін ол жансақтау бөлімінде жатты. Кейін травматология бөліміне ауыстырылып, емін жалғастырды.

Ал 20 қазанда сәби перинаталдық орталықтан шығарылды. Баланың жағдайы жақсы.

Қазір сәби әжелерінің қарауында. Ал ауруханада жатқан жас ананың күтімін толығымен оның жұбайы өз мойнына алған. Ерлі-зайыпты бірге жеке палатада жатыр.