Шілде айында қанша адам ипотека рәсімдеді?

Елімізде шілде айында 12 500 адам ипотека рәсімдеген, деп хабарлайды Arbat.Media.

Қазақстанда шілде айында бөлшек кредит беру көлемі 1,6 трлн теңгеге жетті. Кепілсіз тұтынушылық несие маусым айымен салыстырғанда 2 пайызға төмендеген.

Ал ипотека беру көлемі керісінше 13,4 пайызға артқан. 12 500 адам 241 млрд теңге көлемінде қарыз алған. Автонесиеге де сұраныс артып жатыр. Шілдеде 26 мыңға жуық адам 261 млрд теңге көлемінде автонесие алған.

Сонымен қатар кәсіпорындарға 1,9 трлн теңге кредит берілген. Бірақ бұл көрсеткіш қаңтармен салыстырғанда 3 пайызға төмендеген.