ШҚО-да қылмыс істеп сотталғандар мектепте күзетші болған

Шығыс Қазақстан облысы Самар ауданының прокуратурасы білім беру ұйымдарында еңбек кодексін бұзу деректерін анықтады, - деп хабарлайды Arbat.media.

Бұл туралы Egemen.kz жазады.

Тергеу барысында облыста қылмыстық тарихы бар мұғалім мен 2 күзетші мектепте жұмыс істеп келгені мәлім болды.

Сонымен қатар балалармен тікелей байланыста жасалатын істе психиатриялық ауытқудың «Д» есебінде тұратын 1 адам қызмет атқарғаны анықталды. Олар талапқа сай жұмыстан шығарылды.

Прокуратура білім беру ұйымдарында еңбек шартын түзуге рұқсат етілмеген тұлғаларды қабылдаған мектеп директорын әкімшілік жауапкершілікке тартып, 25 АЕК көлемінде айыппұл салды.